Shajra Shareef

Ya Ilaahi apni zaate kibriya ke waaste, baksh de mujhko Muhammad Mustafa ke waaste,

Ya Ilaahi apni ulfat me mujhe sarshar rakh, Hazrat-e-Siddique Akbar ba safaa ke waaste,

Ya Ilaahi khol de dil par mere raaz-e-neha, Hazrat-e-Salmaan Faarsi rehnuma ke waaste,

Ya Ilaahi jald dikhla de mujhe raahe sulook, Shah Imaam-e-Qaasim-e-peer-e-Huda ke waaste,

Ya Ilaahi mujhko tu duniya me kar taqwa naseeb, Hazrat-e-jaafar Imaam-e-Attkiya ke waaste,

Ya Ilaahi jumla ahlullah me ho mera shumaar, ba-yazeedi haadi-ye noor-ul-huda ke waaste,
,

Ya Ilaahi ilm-e-baatin mere dil ko kar ataa, Abul Hasan kharkaani-ye badrud-duja ke waaste,

Ya Ilaahi deen-e-haq par rakh mujhe sabith kadam, Shah wali-e-Boo Ali-ye peshwa ke waaste,

Ya Ilaahi nafs ki badeeyo'n se le mujhko bacha, Yusuf-e-Hamdaani shahe beriya ke waaste,

Ya Ilaahi do jahaan ki aarzoo howe qubool, Abdul khalique gajdwaani muktada ke waaste,

Ya Ilaahi nek bando'n me mera howe shumaar, Shah wali Aarif Muhammad baasafa ke waaste,

Ya Ilaahi hashr ke mai'ndaa'n me rakhna aabru, Khwaja-e-Mehmood khairul auliya ke waaste,

Ya Ilaahi teri marzi me rahoo'n razi mudaam, Shah Aziza raimatini baraza ke waaste,

Ya Ilaahi Hamd ki taufeeq apni de mujhe, Hazrat-e-baba Samaasi baasana ke waaste,

Ya Ilaahi qalb ke waswaas mere duor kar, Sayyad-e-Meer-e-Qulal baa-khuda ke waaste,

Ya Ilaahi dil ko raagib kar tareeqa naqshband, Shah Baha'uddin Muhammad haq numa ke waaste,

Ya Ilaahi dard-e-dil ki apni daaru de mujhe, Shah Alla'uddin aktaar-e-ataa ke waaste,

Ya Ilaahi ilm-e-dee'n par ho amal mera sadaa, faazile Yakub Charkhi paarsa ke waaste,

Ya Ilaahi m'aarefat de qalb ko mere siwa, Shah Ubaid ahraare murshad Zaheda ke waaste,

Ya Ilaahi mujhko tu parhezgaari kar ataa, Abid-o-Zahid wali-e-baora ke waaste,

Ya Ilaahi khol de anware-ghaibi ab tamaam, mujhpe darwesh-e-Muhammad baa-nawa ke waaste,

Ya Ilaahi mujhme kar de tu sifat malkutiya, khwaja-e-amkang-gai hadi huda ke waaste,

Ya Ilaahi ishq me ho jaoo'n main tere fanaa, khwaja-e-Shah baaqibillah babaqa ke waaste,

Ya Ilaahi le chala mujhko siraat-al-mustakeem, Shah Mujaddad Alf-saani zul ataa ke waaste,

Ya Ilaahi paak kar de sab gunaaho se mujhe, Sayed-e-masoom murshad mehlaqa ke waaste,

Ya Ilaahi de zubaa'n ko meri ab taasir tu, Shaiykh Saifuddin Maqbool al-dua ke waaste,

Ya Ilaahi noor se seena mera ma'amoor kar, aashiq-e-noor-e-Muhammad peshwa ke waaste,

Ya Ilaahi ishq me ho jaao'n main tere shaheed, Mirza Mazhar jaane-jaana muktada ke waaste,

Ya Ilaahi nafs-e-shaitaa'n se mujhe dena amaa'n, Shah nayi mullah murshad purziya ke waaste,

Ya Ilaahi de muraade'n deen-o-duniya ki mujhe, bask-e-maulana muraadullah huda ke waaste,

Ya Ilaahi nekiyon ki de mujhe taufeeq tu, abul-Hasan Sayed Sayeed-e-khush ada ke waaste,

Ya Ilaahi shauk apna de mujhe har baar tu, Niaz Ali Shah peer-e-jaddi peshwa ke waaste,

Ya Ilaahi saaf kar seena mera har cheez se, sufi-e-saaki vazeer-e-purziya ke waaste,

Ya Ilaahi ab to daaman inka pakda aan ke, de mujhe shauk-e-laqa in baakhuda ke waaste,

Ya Ilaahi sab buzurgo'n ke tasad-duk me waha'n, hashr ko khul jaye jannat mujh gada ke waaste,

Ya Ilaahi apni zaate kibriya ke waaste, baksh de mujhko Muhammad Mustafa ke waaste,